Chœur de l'église de Marquette-en-Ostrevant.
Document publié dans le Bulletin de la société d'étude de la province de Cambrai, volume VII – 1905, page 37 consultable sur archives.org
M. A. BOCQUILLET, membre titulaire, a trouvé, à la Bibliothèque nationale, man. franc 32.427, p. 30, la convention intervenue entre les décimateurs et les habitants de Marquette-en-Ostrevant, au sujet de la démolition et de la reconstruction du chœur de cette église, en date du 9 mars 1547 (n. st.)
A tous ceux quy ces présentes lettres verront, Adrien de Croy, Comte de Rœux, seigneur de Beaurains, chevalier de l'ordre du Toyson d'or, Gouverneur et Capitaine général pour l'Empereur ès pays et comtés de Flandre, d'Artois et des villes, chasteaux et chastellenyes de Lille, Douay, d'Orchies et des appartenances, salut. Sçavoir faisons que pardevant Robert Bailliet et Jean Parsis, auditeurs par nous commis et députés au nom de l'Empereur à prendre, oyr et recepvoir les contrats, convenenches, marchés et obligations quy se font et passent entre les partyes en ladite ville et bailliaige de Douay par lettres et soubz les scelles dudit souverain bailliaige, comparurent en leurs personnes Maistres Henry de la Hamette, Sire Adrien Tourment, chanoines de l'église collégiale Sainte-Croix en Cambray, collateurs de la cure de l'église de Marquette en Austrevant (1), d'une part, et Sire Anthoine Caufourier, yice-curé de ladite église, Jan Drapier, mayeur et lieutenant de baillyf de Mons. de Noelle (2)-, ad cause de sa seignerie qu'il at aussy audit (lieu) de Noielle (3), Noël Boulengier, Loys Faulcon, Nicolas le Maire, Nicolas le Vacquier, tous eschevins dudit Sr de Noyelle ; Jan Haze, Laurens Careau, Jean Dierloit, Nicolas Le Cerf, tous eschevins dudit lieu pour le Sr de Susanne, tant esdictz noms comme aussy gliseurs et ayans administration du bien et revenuz temporel de ladicte église, Martin Courseau, Anthoine Caresmeau et Jacques le Maire, hommes de fief dudit Sr de Susanne, Martin Tassencourt, Arnould du Flo, Nicolas le Maire, Ogé Grebedon et Thomas de le Brejette, tous manans et habitans dudit villaige et représentans le corps et communaulté d'iceluy, d'aultre part. Et recognurent lesdictz premiers comparans tant en leurdict nom comme eulx faisans et portans fort de Chapitre de ladicte église Sainte Croix en Cambray, que désirant l'honneur de Dieu et augmenter la décoration de ladicte église de Marquette, iceulx comparans, ousdict nom, ont consenty et accordé que les dessuz nommez dudict villaige polront démolir et abbattre le chœur estant pour le présent en ladicte église, et moiennant ce lesdictz mayeurs et eschevins, ensemble les dessusnommées ès noms et qualité que dessus, seront tenus incontinent ledict chœur démoly et abbatu de construire et ériger et rédifier ung aultre nouveau chœur en ladicte église à leurs coustz, frais et despens, et iceluy faict et érigé lesdictz dessus nommez èsdictz noms et qualité seront tenus de l'entretenir et payer la moitié des mises et despens qu'il conviendra faire et supporter le temps advenir pour l'entretenement d'iceluy pour et au nom de ladicte église. Et à ce faire, furnir et entretenir, lesdictz mayeur et eschevins et aultres desausdicts ès noms et qualité que dessus ont obligé tous leurs biens et héritaiges et ceulx de leurs hoirs présens et advenir pour estre exécuté, venduz et adeniérée par toutes justices sans meffaictz jusques au plain et entier accomplissement du contenu cy dessus, accordants sur lesdictz biens et héritaiges et chascun d'eulx pour le tout la main de l'empereur nostre sire estre mise et assize toutes et quantesfois qu'il plaira ausdictz premiers comparans ou leurs successeurs pour la sceureté du contenu cy dessus, élisant pour ce faire par chascun d'eulx et ung seul pour le tout leur domicile en la maison de Jean Drapier, mayeur dudit Sr de Noyelle, tenant d'une part à l'héritaige Noel Boulengier et d'aultre à l'héritaige Martin Corseau ; accordans que tous explois de justice qu'illecq seront faictz soient vallables comme sy faictz estoient à leurs propres personnes ou vray domicilie; renonchans lesdictz comparans par leurs foies et serment à touttes choses contraires à ces présentes, signament au droict disant général renonchiation non valoir. Sy comme tout ce que dict est nous ontles dictz auditeurs tesmoigné estre vray par leurs seignes manuelles mis à ces présentes, et nous, à leurs tesmoingnages, avons à icelles faict mettre le scel dudit souverain bailliaige, saulf le droict de l'empereur nostre dict sire et l'aultruy en tout. Ce fut faict et passé et recognu audict villaige de Marquette le noeufiesme jour de Mars l'an mil cincq cens quarante six, et estoit seignié : Fr. Becquet, Railet, P. Parsis, et plus bas estoit escript : Ia présente copie est trouvé concordant avecq son originel. Tesmoing soubsigné : Bouchault, notaire apostolique.
1. Dès l'année 1139, Nicolas, évêque de Cambrai, confirmait au chapitre de Sainte-Croix de Cambrai la possession de l'autel de Marquette. (Le Glay, Glossaire topographique de l'ancien Cambrésis, p. 41.)
2. Antoine de Montigny, seigneur de Noyelles, Villers au bois, de la Hestre et de Marquette, mort en 1558. (I. Desilve, Notice sur Noyelles-sur-Selle et ses barons.) Il y avait à Marquette deux seigneuries Comme les armes de la famille de Montigny se voient à la voûte du choeur, et que l'un des vitraux porte la date de 1549, M. Cellier, dans sa notice sur Marquette (Revue agricole, industrielle et littéraire du Nord, t. IX, p. 306-330) avait cru pouvoir attribuer à ce personnage la fondation de cette partie de I'édifice.
3. Il faut évidemment lire : Marquette.